അശോകം

അശോകം

ശാസ്ത്ര നാമം :  Saraca asoka .

മറ്റു പേരുകൾ : അംഗുക , താമ്ര പല്ലവ , കേളിക , രക്ത പല്ലവ ( സംസ്കൃത നാമങ്ങൾ )
രസം :കഷായം, തിക്തം
ഗുണം :സ്നിഗ്ധം
വീര്യം :ശീതം
വിപാകം :കടു 

ശോകം ഇല്ലാതാക്കുന്നത് എന്നാണ് ഈ വാക്കിന്റെ അർഥം . മനോഹരമായ പുഷ്പങ്ങൾ ഉള്ള വൃക്ഷമാണ് ഇത് . ഹൈന്ദവരും ബുദ്ധ മതക്കാരും ഇതിനെ പുണ്യ വൃക്ഷമായി കരുതുന്നു . 

ഔഷധ ഗുണങ്ങൾ : ഗർഭാശയ ആർത്തവ ചികിത്സയിൽ ഇതിനു പ്രമുഖ സ്ഥാനമുണ്ട് . ഇതിന്റെ തൊലിക്കും പൂവിനും ഔഷധ ഗുണമുണ്ട് . വയറു വേദന , അർശസ്സ് , വ്രണം എന്നിവയുടെ ചികിത്സക്കും ഉപയോഗിക്കുന്നു . ശരീരത്തിന് നിറം പ്രദാനം ചെയ്യുന്നതും മല മൂത്രാദികളുടെ അമിത പ്രവര്ത്തനത്തെ തടയുന്നതുമാണ് . അശോക പൂവ് ഉണക്കി പൊടിച്ചു പാലിൽ കാച്ചി കുടിച്ചാൽ രക്ത ശുദ്ധി ഉണ്ടാകും . ഇതിന്റെ തോലിന് ഗര്ഭ പാത്രത്തെ ഉത്തേജിപ്പിക്കാൻ ഉള്ള ശേഷി ഉണ്ട് . അതിനാൽ ആർത്തവ കാലത്തെ വേദനയിൽ നിന്ന് ശമനം ഉണ്ടാകാനും ഗര്ഭാശായ സംബന്ധമായ നിരവധി രോഗങ്ങള്ക്കും അശോകത്തിൽ നിന്ന് നിര്മിച്ച ഔഷധങ്ങൾ ഉപയോഗിക്കുന്നു . 

അമൃത് ( ചിറ്റമൃത് )

 

 

ശാസ്ത്രീയ നാമം : Tylophora Cordifolia

രസം :തിക്തം, കടു

ഗുണം :ഉഷ്ണം, സ്നിഗ്ധം,ലഘു

വീര്യം :ഉഷ്ണം

വിപാകം :മധുരം 

നമ്മുടെ നാട്ടിൽ ഉഷ്ണമേഖലാ വനങ്ങളിലും നാട്ടിൻ പുറങ്ങളിലും നന്നായി വളരുന്ന ഒരു വള്ളിചെടിയാണ് അമൃത് . വൃക്ഷങ്ങളിൽ പടർന്നു കയറി വളരുന്ന വള്ളി ചെടി ആണിത് .

ചിറ്റമൃത് , കാട്ടമൃത് എന്നിങ്ങനെ രണ്ടു വിഭാഗങ്ങൾ ഉണ്ട് ഈ ചെടിക്ക് . ചിറ്റമൃത് ആണ് സാധാരണ ആയി ഔഷധ ആവശ്യങ്ങള്ക്ക് ഉപയോഗിക്കുന്നത് .

ഔഷധ ഗുണങ്ങൾ : ജ്വര ചികിത്സയിൽ അതീവ പ്രാധാന്യമുള്ള സസ്യം . ജ്വര രോഗങ്ങൾക്ക് നല്കുന്ന അമൃതാരിഷ്ടത്തിലെ പ്രധാന ചേരുവ ആണ് ഈ സസ്യം . കൂടാതെ വൃക്ക രോഗം , രക്ത പിത്തം , വാത രക്തം , മഞ്ഞ പിത്തം , കുഷ്ഠം , ആമാശയ വ്രണം തുടങ്ങിയ അസുഖങ്ങളുടെ ചികിത്സയിലും ഈ ഔഷധി ഉപയോഗിക്കുന്നു 

ഈ ചെടിയെ ഉള്ള നാട്ടറിവുകളിൽ പ്രധാനം , ഷുഗർ മാറ്റാൻ ഉള്ള ഇതിന്റെ കഴിവിനെ പറ്റി ആണ് . ഒരു അന്ഗുലം വലുപ്പത്തിൽ ഈ വള്ളിയുടെ തണ്ട് എടുത്തു തോല് ചെത്തി മാറ്റിയതിനു ശേഷം ചതച്ചു ഒരു ഗ്ലാസ്‌ വെള്ളത്തില രാത്രി ഇട്ടു വെക്കുക . രാവിലെ വെറും വയറ്റിൽ ഈ വെള്ളം കുടിക്കുക . ഈ രീതി പ്രയോഗിച്ചു നിരവധി പേരില് ഷുഗർ അളവ് കുറയുക ഉണ്ടായിട്ടുണ്ടത്രെ . 

അമുക്കുരം ( അശ്വഗന്ധം )

അമുക്കുരം ( അശ്വഗന്ധം )

ശാസ്ത്ര നാമം : Withania somnifera

മറ്റു നാമങ്ങൾ : അശ്വഗന്ധ , വരാഹ കർണ്ണി ( സംസ്കൃതം ) , winter cherry (ഇംഗ്ലീഷ്)

രസായന വാജീകരണത്തിനും സപ്ത ധാതുക്കളെ പോഷിപ്പിക്കുന്നതിനും പ്രയോജനകരമായ സസ്യം . വേരാണ് ഔഷധമായി ഉപയോഗിക്കുന്നത് പ്രധാനമായും വാതം, കഫം, പനി തുടങ്ങിയ സാധാരണ അസുഖങ്ങൾ മുതൽ വെള്ളപാണ്ട്, ആമവാതം തുടങ്ങിയ അസുഖങ്ങൾക്കും സ്ത്രീകൾക്കുണ്ടാകുന്ന വെള്ളപോക്ക് എന്ന അസുഖത്തിനും മരുന്നായി ഈ ഔഷധം ഉപയോഗിക്കുന്നു.

രസം :തിക്തം, കഷായം

ഗുണം :സ്നിഗ്ധം

വീര്യം :ഉഷ്ണം

വിപാകം :മധുരം

ഔഷധ മൂല്യം : ശരീര പുഷ്ടി , വാജീകരണം , ബല വർധനം , അംഗ ശോഷ ഹരം ( ശരീരാവയവങ്ങളുടെ ക്ഷീണം ഇല്ലാതാക്കുന്നു ).

ലൈംഗീക ശേഷി , ശരീര പുഷ്ടി , ശുക്ല വർധന , മുലപ്പാൽ വർധന എന്നിവയ്ക്ക് ഫലപ്രദം . ( ലൈംഗീക ശേഷി വീണ്ടെടുക്കാനും വർധിപ്പിക്കാനും അമുക്കിരം പാലിൽ പുഴുങ്ങി ഉണക്കി പൊടിച്ചു 10 mg വീതം കഴിക്കുന്നത്‌ നല്ലതാണ് . മുലപ്പാൽ വർധനക്കും ഇത് ഫലപ്രദമാണ് )

കൂടാതെ കുട്ടികളുടെ ശരീരവളർച്ചക്കുറവിന്‌ അമുക്കുരം പൊടിച്ചത് പാലിലോ വെള്ളത്തിലോ ചേർത്ത് നൽകിയാൽ ശരീരവളർച്ചയുണ്ടാകും

അശ്വ ഗന്ധാദി ലേഹ്യം , അശ്വ ഗന്ധാദി ഘൃതം , അശ്വ ഗന്ധാരിഷ്ടം എന്നിവ ഈ ഔഷധ സസ്യം പ്രധാന ചെരുവയായ ചില ഔഷധങ്ങൾ ആണ് .

അകത്തി ( അഗസ്തി )

അകത്തി ( അഗസ്തി )

ശാസ്ത്ര നാമം : സെസ്ബാനിയ ഗ്രാണ്ടി ഫ്ലോര ( Sesbania grandiflora Pers)

അഗസ്തിക, മുനിദ്രുമം, വംഗസേന എന്നീ പേരുകളിൽ അറിയപ്പെടുന്നു.ഇതിനു തിക്ത രസവും ശീത വീര്യവും ആണ് 

ഔഷധ ഗുണങ്ങൾ : അകത്തിയുടെ മരത്തൊലിയിൽ ടാനിൻ, രക്തവർണമുള്ള പശ എന്നിവ അടങ്ങിയിട്ടുണ്ട്. ഇലയിൽ മാംസ്യം, കാൽസ്യം, ഫോസ്ഫറസ്, ലോഹാംശം, എ, ബി, സി, ജീവകങ്ങൾഎന്നിവയും പുഷ്പങ്ങളിൽ ബി, സി, ജീവകങ്ങൾ എന്നിവയും വിത്തിൽ മാംസ്യം, കൊഴുപ്പ്,അന്നജം എന്നിവയും അടങ്ങിയിരിക്കുന്നു.

തൊലി, ഇല, പുഷ്പം, ഇളം കായ്കൾ എന്നിവ ഔഷധയോഗ്യഭാഗങ്ങളാണ്. ഇല പിഴിഞ്ഞ് അരിച്ചെടുത്ത് നസ്യം ചെയ്യുന്നത് കഫവും നീർക്കെട്ടും മാറാൻ സഹായകമാണ്. ഇത് തലവേദന, പീനസം, ചുമ, അപസ്മാരം എന്നീ രോഗങ്ങൾക്കും ശമനമുണ്ടാക്കും. അകത്തിയുടെ ഇല നെയ്യിൽ വറുത്ത് സേവിക്കുന്നത് നിശാന്ധത അകറ്റും. ജീവകം 'എ'യുടെ അഭാവം കൊണ്ടുണ്ടാകുന്ന എല്ലാ നേത്രരോഗങ്ങൾക്കും ഇത് പ്രയോജനകരമാണ്. അകത്തിപുഷ്പം അസ്ഥിസ്രാവം തുടങ്ങിയ രോഗങ്ങൾക്ക് ഫലപ്രദമായ ഔഷധമാണ്. അകത്തിക്കുരു പാൽ ചേർത്തരച്ച് നീരും വേദനയുമുള്ള വ്രണങ്ങളിൽ ലേപനം ചെയ്താൽ വ്രണം പെട്ടെന്ന് ഉണങ്ങും. പിത്തഹരം.

പത്തു മീറ്ററോളം ഉയരത്തിൽ വളരുന്ന ഈ വൃക്ഷത്തിന്റെ ഇലയും പൂവും ഇലക്കറി ആയി ഉപയോഗിക്കുന്നു .. അകതിചീര എന്നും ഇത് അറിയപ്പെടുന്നു . പൂവിന്റെ നിറത്തെ അടിസ്ഥാനമാക്കി വെള്ള , ചുകപ്പു എന്നിങ്ങനെ അകത്തിയെ രണ്ടാക്കി തിരിക്കാം . വൃക്ഷത്തിന്റെ എല്ലാ ഭാഗവും ഔഷധ യോഗ്യമാണ് . വിത്ത് മുളപ്പിച്ചും കൊമ്പ് നട്ടും അകത്തി വളർത്തിയെടുക്കാം . 

അകത്തിയില ഉപ്പു ചേര്‍ക്കാതെ തോരനാക്കിയോ നെയ്യില്‍ വറുത്തോ കഴിക്കുന്നത് ജീവകം എ യുടെ കുറവുകൊണ്ടുള്ള നേത്രരോഗങ്ങള്‍ ശമിപ്പിക്കും. എല്ലുകളുടെ വളര്‍ച്ചയ്ക്ക് കുട്ടികള്‍ക്ക് നല്കാവുന്ന ഒന്നാന്തരം ഇലക്കറിയാണ് അകത്തി.

http://www.facebook.com/subrahmanyam.ayurveda