ബ്രഹ്മി

ബ്രഹ്മി

ശാസ്ത്ര നാമം : bacopa monnieri

രസം :കഷായം, തിക്തം
ഗുണം :ലഘു, തീക്ഷ്ണം
വീര്യം :ശീതം
വിപാകം :മധുരം
പ്രഭാവം  :മേധ്യം

ബുദ്ധി വർധിക്കാൻ ഉള്ള ഔഷധം  എന്നാ നിലയിൽ പ്രസിദ്ധമാണ് ഈ സസ്യം . ഈർപ്പമുള്ള സ്ഥലങ്ങളിൽ വളരുന്ന , വിളർത്ത നീല അഥവാ വെള്ള നിറത്തോട് കൂടിയ പൂക്കൾ ഉള്ള ചെടിയാണ് ഇത് . നമ്മുടെ നാട്ടിൽ കുടങ്ങൽ ( മുത്തിൾ ) എന്നാ ഔഷധ സസ്യവും ബ്രഹ്മി എന്നാ പേരില് പരാമർശിക്കപ്പെട്ടു കാണാറുണ്ട് . കുടങ്ങലിനെ സ്ഥല ബ്രഹ്മി എന്നും  നമ്മളിവിടെ വിവക്ഷിക്കുന്ന ബ്രഹ്മി ജല ബ്രഹ്മി എന്നും വേറൊരു അഭിപ്രായവും വിദഗ്ധർ പറഞ്ഞു കേട്ടിട്ടുണ്ട് . എന്തായാലും ഈ രണ്ടു സസ്യങ്ങളും ബുദ്ധി വർധനവിനു  ഉള്ള കഴിവിന്റെ പേരില് തന്നെ ആണ് പ്രസിദ്ധം .

ഔഷധ മൂല്യം : സമൂലം ഔഷധ ഗുണമുള്ളതാണ് . ബുദ്ധിയും ഓർമ  ശക്തിയും വര്ദ്ധിപ്പിക്കുന്നു . നാഡീ രോഗങ്ങള്ക്കും ഫലപ്രദമാണ് . ഹൃദയ പ്രവര്ത്തനത്തെ ഊര്ജസ്വലമാക്കുന്നു .

നാട്ടറിവുകൾ : പത്തു മില്ലി ബ്രഹ്മി നീര് തേൻ ചേർത്ത് ദിവസവും രാവിലെ കുട്ടികൾക്ക് കൊടുക്കുന്നത് ബുദ്ധി ശക്തിക്കും ഓര്മ ശക്തിക്കും വളരെ നല്ലതാണ് .

ബ്രഹ്മി അരച്ച് പാലിൽ ചേർത്ത് ദിവസവും കഴിക്കുന്നത്‌ അപസ്മാരം , ഉന്മാദം എന്നിവയ്ക്ക് ഔഷധമാണ് .

ശിശുക്കൾക്ക് ശോധന ശരിയായ വിധത്തിൽ  ഇല്ലെങ്കിൽ ബ്രഹ്മി നീര് കൊടുക്കാറുണ്ട് .

ബ്രഹ്മി നീരും വെളിച്ചെണ്ണയും സമം ചേർത്ത് കാച്ചിയെടുക്കുന്ന എന്നാ തലമുടി നന്നായി വളരാൻ ഉത്തമമാണ് .

അധിക അളവിൽ ബ്രഹ്മി കഴിക്കുന്നത്‌ വയറിളക്കും .

ബ്രഹ്മി ഇടിച്ചു പിഴിഞ്ഞ നീര് രാവിലെയും വൈകീട്ടും കഴിക്കുന്നത്‌ വിക്ക് മാറാൻ സഹായകമാണ് .

ഫോട്ടോ കടപ്പാട് : വികി പീഡിയ